Од наредната година радиодифузната такса ќе ја наплатува Управата за јавни приходи, предвидува Владата со новиот закон што го усвои на последната седница. Според него, секој граѓанин и правно лице таксата ќе мора да ја платат до 15 октомври. За секое задоцнување УЈП ќе пресметува дневна камата од 0,05 отсто. Ако долгот не се плати, Управата сметките ќе ги наплатува присилно.
Со ова Министерството за транспорт и врски, како предлагач на законот, бара начин наплатата на радиодифузната такса, како задолжителната обврска да ја стави во построги рамки.
За завршената работа УЈП ќе си задржи три отсто од вкупно наплатените средства. Од другите пари на граѓаните, 72 отсто ќе одат за покривање на трошоци за МРТ, 16 отсто, односно 3,5 за одржување и развој на радиодифузната мрежа и четири отсто за функционирањето на Советот за радиодифузија.
OhridNews
