Во понеделник истекува крајниот рок за поднесување на Годишна даночна пријава за 2009 година. За таа цел Управата за јавни приходи ги информира сите даночни обрзници дека сите нејзини шалтери ќе работат и во текот на престојниот викенд односно на 13-ти и 14-ти март од  08.30 до 16.30 часот.

Покрај личните достави , даночните обврзници имаат можност Годишната даночна пријава да ја поднесат и по пошта, на адресата на Регионалната Дирекција на УЈП, на која и припаѓаат според местото на живеалиште наведено во нивната лична карта.

За сите потребни информации во врска со тоа дали треба да поднесете  Годишната даночна пријава, како да ја пополните и каде да ја поднесете, може да се информирате на бесплатиот телефонски број 0800 33 000, што УЈП, неодамна го отвори за оваа намена.

OhridNews