Ноќеска околу 00.45 часот во Скопје, на ул.„Цветан Димов“ во комплексот Чаирчанка, пред чајџилница „Цуфи“, од страна на две непознати маскирани  лица , вооружени со автоматско оружје , е  пукано  со повеќе проектили кон  Седат Ј.(36) од Скопје. Истиот по нападот со  такси  возило  бил префрлен во Градската општа болница во Скопје,  каде од страна на лекар била констатирана негова смрт, како последица на повеќе влезно-излезни устрелни рани нанесени од огнено оружје.

Увид на лице место извршила екипа од СВР-Скопје, а по наредба на Истражен судија телото на  починатиот е предадено за обдукција. Во тек се мерки за пронаоѓање на сторителите, утврдување на мотивот и за целосно расчистување на случајот.