Ентони Бурк, 40-годишниот навивач на Манчестер Сити кој правеше расистички гестикулации кон фудбалерот на Манчестер јунајтед, Фред за време на дерби пресметкта на Етихад е уапсен од локалната полиција, јавуваат британските медиуми.

Бурк, поранешен британски војник беше фатен од камерите како прави мајмунски гестикулации кон Фред во моментите кога Бразилецот изведуваше корнер, а друг дел од навивачите го нападнаа со запалки и други објекти.

Ниту овој идиот не може да го уништи чувството. Срамно однесување, никогаш нема оправдување за расизам. – напиша Џеси Лингард на Твитер.

Самиот Фред призна дека бил навреден.

За жал, уште живееме во назадно општество. Срамота е што уште треба да живееме со ова во 2019. На теренот не видов ништо, но ми покажаа потоа во соблекувалната. Се обидувам да не мислам за тоа. Се случува тука, се случуваше и кога играв во Украина. – изјави Фред.

Победата во дербито им припадна на „црвените ѓаволи“ кои славеа со 2-1.

OhridNews