Македонската фудбалска репрезентација до 21г. ја очекуваат две тешки гостувања во С. Ирска (07.09) и Србија (10.09) со што ќе го заврши квалификацискиот циклус за следното ЕП.
Според оствареното бодовно салдо постојат теоретски шанси Македонија да освои место кое води во баражот за што е потребен пласман на првите две места во групата за кои конкурират уште и селекциите на Данска и Србија
– Отворената можност во последните две квалификациски средби да се стигне до резултатска цел-бараж натпревар за пласман на следното ЕП, е знак дека сепак сме постигнале нешто добро во овој циклус. Во секој случај продолжува нашата интенција преку добри игри и резултати да селектираме и креираме талентирани играчи со потенцијал да настапуваат и во А-националниот тим. Иако во последните дуели за А-селекцијата се прекомандувани дури 6 стандардни репрезентативци од младата селекција, длабоко сме убедени дека за кратко време од сегашна млада селекција уште 7-8 нови талентирани играчи за кратко време ќе можат не само да конкурираат тука и да бидат носители на играта во нашата најдобра репрезентација – смета Бабунски.
ohridnews
