Реемитување на програмите на РТВ Пинк од страна на кабелските
оператори во Македонија е нелегално и ќе се смета за акт на пиратерија и
кршење на Законот за авторско право.

Ова денеска го соопшти Советот за радиодифузија, додавајќи дека добил
известување од страна на Медиа систем ГМБХ Виена, застапникот на
преносот на правата за реемитување на РТВ Пинк, дека на 30.04 ги
раскинал договорите со 35 кабелски оператори во Република Македонија.

Со оглед на ова известување, Советот за радиодифузија ги предупреди
кабелските оператори на кои им се раскинати договорите со РТВ Пинк,
веднаш да прекинат со реемитување на неговите телевизиски програмски
сервиси

Советот за радиодифузија најавува засилен мониторинг во наредните
денови и во случај на непочитување на Законот, ќе издаде налози за
исклучување на телевизиските програмски сервиси на РТВ пинк и ќе покрене
прекршочни пријави.

OhridNews
извор: „Макфакс“