Повеќе автомобили паркирани на булеварот “Туристичка” во близина на “Рамстор”, синоќа останале без регистарски таблички.
Непознати сторитали насилно откорнале повеќе задни регистарски таблички и ги оштетиле возилата.
Меѓу оштетените се повеќе охридски, но и возила од други градови, со што е предизвикана дополнителна штета и на туризмот во градот.
Дел од табличките видно оштетени биле расфрлани во близина на местото каде се случил инцидентот.
Сопствениците на оштетените возила видно револтирани бараат расветлување на случајот но и поголема јавна безбедност, посочувајќи дека можеби враќањето на реонските полицајци може да придонесе кон тоа.
Г.М.
