Хотелската компанија Премиер Ин од Британија, одлучила да се прошири и купила место на Месечината. Од компанијата тврдат дека за 25 години ќе примаат гости од земјата кои ќе допатуваат се вселенски летала. Но прво треба да смислат како ќе го однесат градежниот материјал на месечината.
– Предизвиците се големи и нема сомнеж, ги унапредуваме и прилагодуваме постоечките проекти. – рекол Алек Флеч, извршен директор на Премиер Ин.
Хотелот ќе има дебела и цврста изолација која ќе штити од сончевата радиација и екстремните температури кои се движат од минус 180 до 130 степени. Воздух исто така ќе се носи од земјата, а градбата ќе треба да биде под притисок.
Премиер Ин смета дека лунарниот туризам ќе биде вообичаен за 20 или 30 години.
