Како продолжение на долгогодишната соработка, Црвен крст Охрид деновиве е домаќин на петчлена делегација  од  Единицата за спасување на планина и Единицата за спасување на вода на Црвен крст Бамберг, Германија.



-Заедничките активности на спасувачите на вода и планина на Охрид и Бамберг насочени се кон размена на искуства, освежување на постоечките знаења и увежбување на нови вештини и техники за спасување на вода и спасување на планина. -велат од Црвениот крст од Охрид.


Посетата на спасителите од Бамберг ќе заврши утре, кога тие ќе го одржат првиот час од курсот за обука на новата генерација на спасители на вода на охридскиот Црвен крст, која ќе се реализира од 20-27 јуни. Овие активности ќе допринесат многу за подготовка на спасителите на вода на Црвен крст Охрид за претстојниот ангажман на капалиштата на Охридското Езеро.

OhridNews