Екепертската јавност е изненадена од односот на надлежните институции кои наместо да ја заштитуваат животната средина придонесуваат за нејзино уништување. Како пример се наведува сечењето на трската за изградба на плажи, што според експертите ќе има далекусежни последици врз екосистемот.
– Во последните 15-20 години успеавме да уништиме се она што Охрид го прави атрактивна туристичка дестинација. Колекторот од време на време не разботи, се уништија и големи појаси на трска од околу седумдесетина хектари на целото крајбрежје, а Министерството за животна средина доставува барање да се сечат поголеми површини на трска отколку што има. Моментно на охридското крајбрежје има околу седумнаесет хектари трска, а Министерството за животна средина бараше да се исечат околу триесет хектари, што зборува за непознавање на состојбите на самото езеро, вели д-р Трајче Талески од Македонското лимнолошко друштво.
Тој укажа на негативните последици од сечењето на трската и дека нив најмногу ги почувствуваа тие кои ја сечеа.
– И самите концесиионери непознавајќи ги состојбите и својствата на трската ги исекоа сите појаси на трска кои што им пречеа во нивните планови, а тоа дојде до израз оваа година кога имавме висок водостој па голем дел од песокот кој што беше донесен водата го повлече во езерото, истакна Талески.
