Тројца стружани се уапсени во албанскиот град Драч поради шверц со дрога. Во автомобилот марка „Голф“ со кој се превезувале биле пронајдени 4,2 килограми хероин.
Уапсените како што пренесе МИА се идентификувани како Исеин Насуфи (41), вработен во македонската гранична полиција, Дритан Ѓура (33), наставник и Мадрит Истрефи (30), сите тројца жители на Струга.
Покрај дрогата на упасените им се одземени и 30.500 евра, 6.000 швајцарски франци и четири мобилни телефони. Акцијата е реализирана во соработка со македонската полиција. Според албанската полиција, запленетата дрога била наменета за нарко пазарот во Италија.
Ohridnews
