Можеби сме навикнати да ги гледаме камилите во пустински услови, но еве доказ дека овие животни се многу спретни и во зимски услови во тундри прекриени со снег. Оваа фотографија била снимена на зимскиот Надам фестивал во Хулун Буир, монголски регион на северот на Кина.
На фестивалот се играат традиционални монголски племенски спортови, вклучувајќи борење, стрелаштво и трки со камили. Самиот збор Надам на монголски значи игри. Најголемата монголска „Олимпијада“ се одржувала во Уланбатор, главниот град на Монголија, секое лето во чест на револуцијата од 1921 година по која Монголија станала независна држава.
