Петтгодишниот лабрадор Оскар често на својот сопственик Крис Морисон му правел друштво на голф терените. Откако Морисон сфатил дека некој чуден звук доаѓа од желудникот на своето куче и го одвел на ветеринар, утврдено е дека Оскар има проголтано 13 топчиња за голф.
Кучето топките во својот желудник ги имало веќе неколку месеци, а една во тој период поцрнела.
-Му го допрев стомакот и чув нешто како ѕвечка. Инаку, носи по неколку топчиња дома, но немав поим дека ги голта. Ветеринарот никогаш до сега немал видено вакво нешто. Навистина беше бизарно – рекол тој.
Топчињата од Оскаровиот стомак се отстранети пред 2 недели, по едночасовната операција.
