Кошаркарите на ГКК Охрид ја впишаа третата победа во низа во Втората лига. Вчера на на домашен терен против екипата на Бутел од Скопје во рамките на 19-то коло Охрид славеше 84:74.
Натпреварот го имавме во свои раце , во кој цели 40 минути имавме предност , нашите играчи пружија одлична и доминантна игра, велат од ГКК Охрид.
ГКК Охрид пред натпреварот им оддаде почит на жртвите од страотниот пожар во Кочани. Кошаркарите и стручниот штаб излегоа на загревање со црни маички на кои беше испишан датумот на големата несреќа во која животот го загубија 59 лица.
Г.М.
