Екипата на Сатеска прокнижи важни три бодови во трката за опстанок во Третата македонска фудбалска лига победувајќи ја Преспа со фантастичен пресврт 4-3. Во 24-та рунда Охрид го потврди шампионскиот епитет победувајќи го Октиси со 5-0, а Лакочереј не отпатува на гостување во Кравари.

Фудбалерите на Сатеска во два наврати имаа негатива од два погодоци 0-2 и 1-3, но не ги поколеба и стигнаа до победа 4-3. Преспа поведе (2-0) со головите на Благојче Ристески односно Христијан Николовски. Сатеска намали преку Никола Шекуткоски, а позитивата од два голови за Преспа ја врати Ристески со вториот погодок на мечот. Данеил Цветаноски пред крајот на првиот дел намали на 3-2 и наговести позитивни работи. Аце Маркоски го изедначи резултатот на 3-3, додека Шекуткоски со вториот гол го комплетираше пресвртот.

Тимот на Лакочереј со службени 3-0 ќе го загуби мечот со Кравари, откако од неоправдани причини не отпатува на гостувањето. Домашната екипа според правилата се појавила на терен, а Лакочереј не се најавил дека ќе задоцни или пак не дојде.

  • По чекање од 30 мин од закажаниот термин за одигрување на натпреварот гостинска екипа не најави закаснување или био каков друг проблем нити кај делегатот нити кај домаќините. Поради тоа натпреварот не се одигра. Домашната екипа , судиската тројка , делегатот и контролорот беа присутни и ја утврдија ваквата ситуација.Присуна полиција и кола за брза помош. – стои во записникот.

Фудбалерите на Охрид епитетот на шампиони го потврдија на дуелот со Октиси кој го добија со 5-0. Дилемите околу победникот охридските фудбалери ги решија после 45 минут игра постигнувајќи три погодоци. Голеадата во првиот дел ја најави Томче Речкоски, а погодоци постигнаа уште Валентин Ѓорѓиески и Никола Секулоски. Во второто полувреме, Охрид со нови два голови ја запечати победата. Марко Арсенов зголеми на 4-0, а печат на победата стави Речкоски кој и ја започна гол серијата.

Резултати: Црно Буки – Лирија Грнчари 1-2, Велешта – Влазними 3-4, Лирија Заграчани – Фљамуртари, Кравари – Лакочереј, Октиси – Охрид 0-5, Сатеска – Преспа 4-3, Караорман – Новаци 1-0

Табела: Охрид 55, Влазними 40, Црно Буки 36, Лирија Грнчари 36, Караорман 33, Фљамуртари 32, Сатеска32, Лакочереј 32, Новаци 31, Велешта 31, Кравари 30, Преспа 27, Лирија Заграчани 18, Октиси 18

OhridNews