Во Македонија се регистрирани нови два сомнителни случаи на заразени од грип од типот А. Синоќа на клиниката во Скопје е примено петнаесетгодишно момче од Прилеп кое допатувало од Австралија, а денеска било примено уште едно машко лице од Битола кое деновиве пристигнало од Германија.
Информацијата денеска ја потврди министерот за здравство Бујар Османи, без да соопшти дополнителни детали за последниот случај.
Со последните, вкупниот број на сомнителни случаи на заразени од грипот А (H1N1)во Македонија се искачи на триојца. Надлежните информираат дека утре треба да стигнат резултатите од анализите на крвта на четиригодишното дете од Прилеп, кое беше прв сомнителен случај на заразен од новиот грип регистриран во Македонија. Надлежните информираат дека место за паника нема и дека се преземаат сите неопходни мерки да се спречи ширењето на грипот.
Ohridnews
