Директорот на Фондот за здравствено осигурување, г-дин Ѓорѓи Тренковски, денес ги посети јавните здравствени установи од Охрид. Во рамките на посетата на Општата болница и Здравствениот дом, Тренковски разговараше со вработените и менаџерсите тимови во врска со проблемите со долговите, кои овие установи ги имаат кон Фондот, а истите во најголем дел се наследени од претходните раководства. Тренковски најави дека ќе се заложи во периодот кој следува кон намалување и целосно ликвидирање на долговите кон Фондот, со што ќе им се овозможи нормално функционирање на овие установи и нивна целосна посветеност кон пружање на поквалитетни здравствани услуги на пациентите.Тренковски информираше дека се издвоени финансиски средства во износ од 900.000 евра за реконструкција на Општа болница и 2.000.000 евра за изградба на современ Здравствен дом. После завршувањето на проектната документација и тендерската постапка ќе се присапи кон реконструција на Општа болница, односно изградба на современ Здравствен дом, кои охриѓани ќе им овозможат пружање на здравствени услуги на едно повисоко ниво соодветно на функцијата која ја вршат овие установи.
Во рамките на посетата на Болницата за кардиоваскуларни заболувања “Св. Стефан“ Тренковски најави набавка на нова опрема со што ќе се допридонесе за проширување на дејноста на оваа установа како во областа на дијагностика така и во областа на интервентната кардиологија.
Тренковски ја посети Специјална болница “Св. Еразмо“ каде се сретна и разговараше со вработените и менаџерскиот тим и беше информиран за успешното работење на оваа установа.
ОК на ВМРО-ДПМНЕ Охрид
Центар за комуникации
