– Секој играч во клучните моменти го бира својот најсигурен удар. Јас го знам Игор и неговиот најдобар шут е лево од голманот. Им сугерирав на играчите на Кастриоти кои беа позади голот каде ќе бие. По моето враќање во Пелистер, натпреварите со Тиквеш некако се најинтересни, честите дуели и многу те седмерци ме научија да им ги читам пеналите. – истакна Тоскоски кој беше прогласен за најдобар голман на турнирот.
Старо – новиот стратег на битолчани Звонко Шундовски со триумф ја започна новата авантура на “зелената“ клупа.-Финалниот натпревар покажа дека оваа екипа на Пелистер има карактер и свое јас. Ниту во моментите кога бевме во негатива од пет гола не застанавме и не се предадовме. Тешко беше да се издржи ритамот посебно што сме во раната фаза од подготвките и не сме доволно ниту физички ниту техничко тактички подготвени. Оваа екипа е спој на младост и искуство , целта ни еж овие искусни интернационалци, кои се на залезот на кариерта да ги споиме со младите сили на Пелистер, кои до прва ќе конкуриират и во иднина ќе даваат уште подобри резултати – рече Шундовски.
Организаторот е задоволен од квалитетот на турнирот но не и од одзивот на струшката публика. – Презадоволен сум бидејќи сметам дека струшкиот турнир оваа година срамежливо и полека се враќа на старите патеки. Задовлен сум од однесувањето на сите ракометари, покажаа добар ракомет, но она од што не сум задоволен беше посетеноста на натпреварите. – вели Крсте Илиоски претседателот на организациониот одбор.
