Тошак и ФФМ испратија телеграми со сочуство до фамилијата на Спид

Селекторот на македонската фудбалска репрезентациј Џон Тошак преку веб сајтот на ФФМ испрати телеграма со сочуство до фамилијата на починатиот велшки селектор Гери Спид.

“Како и целиот фудбалски свет и јас бев занемен од вест за смртта на Гери Спид, селекторот на фудбалската репрезентација на Велс. Ги испраќам моите сочуства и симпатии кон фамилијата на Гери Спид, Фудбалската асоцијација на Велс како и целокупната фудбалска јавност. Јас заедно со претседателот и генералниот секретар на ФФМ, како и Гери Спид бевме присутни на состанокот во Брисел за договор за распоредот на натпреварите од нашата група и имавме многу добра и конструктивна соработка за време на истиот. За време на ручекот, по состанокот долго разговаравме за состојбата и перспективите во велшката репрезентација и морам да кажам дека не видов никаков знак кој би навестил ваков развој на настаните. Бев многу шокиран кога дознав за неговата трагична смрт .

Гери Спид никогаш не играл за мене, ниту во клуб ниту во репрезентацијата на Велс, но морам да кажам дека неговата фудбалска кариера е извонредна а неговата тренерска допрва требаше да биде таква. Ова е многу голема загуба најнапред за неговото семејство, потоа за Фудбалската асоцијација на Велс како и за неговите фанови.

Уште еднаш ги изразувам моите најдлабоки симпатии и сочуства кон неговата фамилија, ФА на Велс и неговите навивачи.“ – се вели во телеграмата на Тошак.

По повод трагичната смрт на селекторот на фудбалската репрезентација на Велс, Гери Спид , и ФФ на Македонија испрати телеграма со сочувство до ФА на оваа земја како и до фамилијата Спид:

Почитувани, пријатели.

По повод трагичната смрт на г-динот Гери Спид, која го затекна на функцијата селектор на репрезентацијата на Велс, примете го нашето искрено сочуство кое го испраќаме до вас во Фудбалската Асоцијација на Велс и до фамилијата Спид.

Веста за трагичната смрт не потресе сите нас во ФФ на Македонија и воопшто македонската фудбалска јавност, особено што при последната наша заедничка средба во Брисел имавме можност да го запознаеме г-динот Спид, кој сите нам ни остави впечаток како искрена и во секој момент пријателски расположена личност со која отворено разговаравме на повеќе фудбалски теми како и за претстојните квалификации очекувајќи ги меѓусебните репрезентативни средби.