Холивудскиот актер Том Хенкс ќе биде меѓу популарните лица кои ќе ги доделуваат Оскарите на свеченото доделување на наградите на американската филмска академија закажана за 27 февруари. Хенкс добил оскари во 1993 и 1994 година за филмовите „Филаделфија“ и „Форест Гамп“.
Актерот го позајмлил својот глас за третиот дел од анимираниот серијал „Приказна за играчките“, кој е номиниран за Оскар за најдобар филм, анимиран филм, оригинална песна, монтажа на звукот и адаптирано сценарио. Свеченото доделување ќе се одржи во Кодак театарот во Холивуд.
