Познатиот музичар Том Џонс следниот месец ќе го објави својот 40. студиски албум во својата долгогодишна музичка кариера. Новиот албум со име “Spirit In The Room” е најавен за 21 мај, а на него ќе бидат обработки на познати изведувачи како што се Том Вејтс, Пол Мекартни, Пол Сајмон, Леонард Коен и други.
Албумот ќе содржи десет нумери, а делукс изданието ќе има три бонус песни, “Just Dropped In”, “Lone Pilgrim” и “When The Deal Goes Down”. Том Џонс својот прв студиски албум го објавил во далечната 1965 година.
