Премиери, поранешни претседатели, принцови ќе бидат присутни на денот на гласањето за домаќини на светските првенства во 2018 и во 2022 година во седиштето на ФИФА во Цирих.

Понудата на Англија за организатор на СП 2018 година ќе дојдат лично да ја поддржат Премиерот Гордон Браун и Принцот Вилијам. Деновиве Претседателот на Русија Владимир Путин ќе реши дали и тој ќе допатува во Цирих за поддршка на руската кандидатура.

За добивање на организација на СП во 2022 година за САД ќе лобираат поранешниот претседател Бил Клинтон и сегашниот Државен обвинител Ерик Холдер.

Од друга страна ФИФА прокламира немешање на политиката и спортот. Како ли раководството на ФИФА го толкува присуството на Претседатели, Премиери и членови на кралските лози во моментот на донесување толку важни одлуки, а од друга страна истата таа ФИФА која ја потресуваат афери за корупции, на поедини фудбалски федерации поради истите причини им се изрекувало или им претат со суспензии?

извор “Макфакс“
Ohridnews