Пoд насловот „Ткаење черга“, во петокот на 26 март 2010-та година, во просториите на Македонскиот културно образовен центар „Илинден“ во Рокдаел-Сиднеј, се одржа поетска вечер. Поетската вечер ја организираше Македонското Литературно Друштво „Григор Прличев“, по повод 55 годишнината од уметничкото творештво на Вукосава Донева, позната артистка од Македонскиот Народен Театар-Скопје, и долгогодишен член на ова друштво.
Вукосава Донева прослави 55 години од своето творештво
Во своето обраќање кон присутните, Донева објасни дека со „Ткаење черга“ сакала да стави поголемиот акцен на значењето на македонската жена во австралиските простори. Таа нагласи дека нејзината поезија ја посветува на сите оние жени и организации со кои соработувала, со цел да им заблагодари за подршката и помошта.
Покрај поетските рецитали и читања, вечерта беше збогатена со извонреден настап на играорците на МКУД “Илинден” од Рокдаел со сплетови од богатиот македонскиот фолклор.
OhridNews
