Со биланс од една победа (Пелистер 1-0) и две нерешени средби (Силекс 0-0, Тирана 0-0) фудбалерите на Тетекс одработија дел од подготвките во Охрид. Тетекс е еден од најстарите македонски клубови, а по пауза од 16 години се враќа во фудбалската елита. Името Тетекс е бренд само по себе но и голема одговорност .
– Долг период сме отсутни од најелтиното друштво, но со нашето влегување во елитата се менуваат работите од корен и имаме и тоа каква обврска да го оправдаме тој епитет. Свесни сме што не очекува и во првата сезона очекуваме да го стаблилизираме клубот бидејќи прволигашките барање се далеку поголеми и ќе се обидеме да одговориме на тие барања за да го вратиме реномето кое клубот кој го имаше во поранешната држава – вели Тони Јакимоски тренерот на Тетекс.
Целта на тетовски прволигаш ќе биде зацврстување во средината на табелета, место кое гарантира мирен опсатнок. Тетекс во премиерата од новиот шампионат кој започнува за помалку од две недели на домашен терен ќе го пречека шампионот Македонија ЃП.
М.П.
