Во среда на 3-ти јуни 2015 година охриѓани ќе имаат можност повторно да ја погледнат претставата „Детектор за лаги“ во изведба на охридскиот Народен театар.
Ова театарско дело е работено по текст на Василиј Сигарев, под режисерската палка на Ненад Витанов. Во претставата играат Јасмина Билаловиќ, Никола Тодороски и Стрезо Стаматовски. За костимите на актерите се погрижи Александра Крнинова Груев, а сценографијата ја подготви Филип Коруновски.
Претставата е приказна за двајца сопружници кои имаат нарушени односи, а проблемите се обидуваат да ги решат со помош на психијатар – хипнотизер. Но тогаш се откриваат тајните и лагите со кои сопружниците живееле со години и почнува голема театарска комедија….
Влезниците за претставата ќе бидат пуштени во продажба од понеделник 1-ви јуни.
OhridNews
