СВР Охрид : Нема траги на насилство кај давеникот

Нема траги на насилство кај мртвото лице што вчера околу 16.50 часот беше пронајдено во водите на Охридското Езеро во близина на х. „Гарден“ – изјави портпаролот на СВР Охрид, Стефан Димоски. Тој  ги демантираше одредени медиуми, кои како што рече „пишуваа дека се работи за убиство и се работи за нанесени повреди на главата на лицето давеник“.

– Од страна на увидната екипа не се регистрирани траги на насилство, рече Димоски.

Давеникот е идентификуван како Бошко С.(1933), кој привремено живеел во Охрид со неговиот син. Димоски информираше дека сега покојниот бил психолабилна личност. Телото на давеникот е предадено на семејството.

Вчерашната е петта жртва во водите на Охридското Езеро ова лето. Во јули српски каратист почина од срцев удар на плажа во Далјан, а две момчиња на возраст од 20 години се удавија на плажата  кај х. Парк. Минатиот месец кај плажата Лагадин се удави возрасен маж, а во судир на два глисери загина жена. Црниот биланс на охридската ривиера  ова лето го надополнуваат и неколкуте параглајдерски несреќи во кои едно лице загина, а пет потешко беа повредени.