Свирка на брод по повод 10 години постоење на бендот „Комунална хигиена“

Познатиот охридски панк бенд „Комунална хигиена“ со свирка на брод на 30 јуни ќе одбележи 10 години постоење на музичката сцена. На настанот покрај „Комунална хигиена“ ќе настапат и бендовите „Жута минута“ од Белград, Србија, „Последен удар“ од Скопје, „Jenny Woo“ од Канада и неповторливиот Dj Bix Six ака Џабриски.

–Втора година по ред, одлучивме езерото да ни биде појдовна точка за обединување на силите. 4 бендови, 4 часовна журка, промоција на албуми, еден диџеј, 10 годишен јубилеј, брод, капетан и многу панк-рок. Накратко има за секој по нешто. Понесете позитивна енергија, морнарски капчиња, наполнете телефоните и подгответе се за незаборавен провод. – велат момците од „Комунална хигиена“.

Тргнувањето е од градското пристаниште во Охрид, во сабота, 30-ти Јуни, во 18:30.

Карти во ограничен број, ќе бидат достапни од 13 јуни, по цена од 500 денари, а местото на продажба ќе биде објавено деновиве.

OhridNews