„Градиме фамилија од поддржувачи“ е мотото со кое здружението на граѓани со хемофилија, Фон Вилебранд и ретки коагулопатии, „Хемолог“ од Битола, ќе го одбележи Светскиот ден на хемофилија, 17 април.
Одбележувањето на Денот на хемофилијата ќе се одржи во Музејот за на македонската борба за самостојност и независност и се реализира во соработка со Светската федерација за хемофилија, Европскиот конзорциум за хемофилија како и сите поддржувачи и соработници.
Во фокусот на активностите годинава се жените со коагулопатии, кои во Македонија се уште во голема мерка не се дијагностицирани и немаат никаков третман.
Во Македонија има околу 300 регистрирани лица со хемофилија.
Хемофилија е проблем на крварење, лицата со Хемофилија не крварат побрзо од нормално туку крварат подолго. Нивната крв нема доволен фактор на коагулација. Факторот на коагулација е протеин во крвта кој го контролира крварењето. Хемофилијата е прилично ретка. Одприлика 1 на 10.000 лица се раѓаат со Хемофилија. Луѓето се раѓаат со Хемофилија. Таа неможе да се префати од некого како настинка. Хемофилијата најчесто е наследна, што значи дека таа се добива од гените на родителите но околу 30% од лицата со Хемофилија ја немаат наследено од родителите туку настанала од генетска промена.
OhridNews
