После успешната промоција во соседните земји Србија и Бугарија, атлетскиот викенд Охрид ТрчаТ и градот Охрид како домаќин ќе бидат промовирани ширум светот, откако се најдоа на интернет страната „worldsmarathons.com“.
На интернет страна наменета исклучиво за атлетски маратони активно се промовираат 4 000 настани од 150 земји. Асоцијацијата на спортови „Спорт за сите – сите за Спорт“ која е организиратор на Охрид ТрчаТ со овој потег ги прошируваат границите за пријавување.
Годинава како и минатата, Охрид ТрчаТ ќе се организира во првиот викенд од јуни месец, а организаторите подготвуваат неколку новитети за разлика од првото издание.
OhridNews
