Македонската православна црква – Охридска архиепископија односно Дебарско – кичевската епархија Охрид, ги известува своите православни верници дека во понеделник, 15 јули, ќе има Света Архиерејска литургија во манастирскиот храм „Пресвета Богородица Заумска“ – Заум – Трпејца, по повод празникот „Полагање на риза на Пресвета Богородица во Влахерна“.
Во 7:30 ќе биде отслужена утрена богослужба, додека во 08:45 Света Архиерејска литургија на која ќе чиноначалствува Неговото Високопреосвештенство Митрополитот Дебарско – кичевски, Плаошко-струшки и Администратор Австралиско – сиднејски г. Тимотеј, велат од Дебарско – кичевската епархија Охрид.
Посочуваат дека ќе има организиран превоз од селото Трпејца од местото викано Надол.
OhridNews
