Свечено отворен новиот Дом на култура во Велестово

^{Новиот Дом за култура во Велестово}

„Овој објект е наш подарок за 20 годишнината од културната манифестација Поетска ноќ во Велестово и подарок за културата и иднината на сите оние на кои животна определба им е уметноста“, изјави градоначалникот на Охрид Александар Петрески на отварањето на културниот дом во Велестово. Притоа тој рече дека реализацијата на овој проект е уште една потврда на заложбите на локалната самоуправа за развој на културата не само во градот туку и во руралните средини.

^{Александар Петрески}

Старото училиште во Дом за култура ја реадаптираше локалната самоуправа. Во рамки на домот  изградени се повеќе современи  апартмани, а идејата е овој објект културно да живее во текот на целата година.