Со традиционалното фрлање на капите, вчера вечер, матурантите од ОСУ „Св. Климент Охридски“ го одбележаа свеченото доделување на дипломите од генерацијата 2020/2021 и завршувањето на средното образование.
Пред присутните пораки испратија директорката на охридската гимназија, Весна Цветкоска, како и градоначаникот Константин Георгиески.
Матурата е важен печат на едно прекрасно животно поглавје, патоказ кон нови патишта и основа за храбри одлуки. На сите матуранти им посакувам најпрво здравје, силна верба и посветеност во понатамошното надоградување. Бидете исполнети со мудрост и упорност во остварувањето на своите цели! Се надевам дека оваа генерација ќе ги совлада сите предизвици, ќе биде носител на нови промени и ќе донесе сигурен непредок за нашиот Охрид! – им порача гадоначалникот Георгиески на матурантите.
Настанот беше збогатен со културно – забавна програма подготвена од матурантите.
OhridNews
