Една свадба во Чешка била завршена прилично невообичаено, поточно со тепачка меѓу младенците. Тие се скарале во еден ресторан југоисточно од Прага, а потоа почнале да се тепаат, соопштила полицијата. Како што пренеле медиумите, младенците биле пијани, а за време на физичката пресметка се здобиле со повеќе модринки.
Невестата, која одбила алко-тест, била сместена во ќелија за трезнење, бидејќи полицајците стравувале оти повторно може да го нападне сопругот. На новопечениот брачен пар, како што било најавено, му се заканува парична казна поради физичка пресметка на сопствената свадба.
