Македонската православна црква денеска го одбележува празникот посветен на Св. Прохор Пчињски.
„Бидејќи се молеше за тоа, Бог му го покажа местото на неговиот подвиг. Тоа место беше на брегот на реката Пчиња. Свети Прохор се подвизуваше таму до старост и до својата смрт. Само Едниот Бог знае за сите негови подвизи и искушенија што ги претрпе во текот на овој живот. Но според неговите мироточиви мошти и безбројните чудесни исцеленија, коишто и денес не престанаа, може да се суди за големината на Божествената благодат што му ја подари Бог за неговите големи страдања.
Свети Прохор се упокои и се пресели во Царството Небесно во 9 век.“-пишува во житието за Преподобен Прохор Пчињски.
По повод празникот на Свети Прохор Пчински и пренесување на моштите на Свети Јован Рилски, денеска, во манастирот „Свети Климент и Пантелејмон“, Плаошник, со почеток во 9 часот ќе се служи света архиерејска литургија.
Со неа ќе чиноначалствува митрополитот Плаошки и Дебарско-кичевски г. Тимотеј.
