Комесарот за натпревари на Фудбалската Федерација на Македонија, Миле Спиркоски разгледувајки ги записниците и материјалите 9 коло на Втората лига помеѓу Ф.К. “Влазними” – Струга и Ф.К. “Беласица” – Струмица, донесе одлука да се суспендира теренот на Ф.К. “Влазними” – Струга поради физички напад врз главниот судија од страна на неслужбени лица по завршувањето на полувремето од натпреварот.
За време на полувремето при резултат 0:1, Неслужбени лица извршиле физички напад врз главниот судија при што истиот со возило на брза помош пренесен е во болница. Поради тоа, делегатот на натпреварот установил дека нема услови за продолжување на натпреварот.
Прекинатиот првенствен натпревар од 9 коло на Втората МФЛ помеѓу Ф.К. “Влазними” – Струга и Ф.К. “Беласица” – Струмица се регистрира со службен резултат од 0 : 3.
Ф.К. “Влазними” – Струга се предава на дисциплинскиот комесар поради предизвикување прекин на горенаведениот натпревар.
OhridNews
