Супер лига: „Гладијаторите“ во Велес против Борец го бранат врвот

Ракометарите на Борец од Велес се претпоследен ривал на охридските „гладијатори“ на гостински терен за есенската полусезона во Супер лигата.

Пулените на Горан Андоновски ќе имаат голема обврска и задача во Велес против Борец да го зачуваат врвот на табелата, а тоа можат да го направат со победа или пак реми.

Охриѓани сезонава во двете гостувања во Битола останаа без целиот плен, ремизирајќи со Пелистер и губејќи од Еурофарм, а другите гостински терени се враќаа со „полна капа“.

Двојки: Еурофарм – Прилеп, Пелистер – Пролет, Вардар Јуниор – Радовиш, Металург 2 – Работнички, Борец – Охрид.

Табела: Охрид 25, Еурофарм Работник 22, Пелистер 22 (-1), Пролет 19, Прилеп 16 (-2), Радовиш 16, Борец 14, Металург 2 14 (-1), Вардар Јуниор 5, Работнички 0.

OhridNews