Дисциплинската комисија на УЕФА ќе го разгледа случајот на Кристијано Роналдо кој доби директен црвен картон на седницaта која е закажана на 27 септември.
Португалецот беше исклучен во првото полувреме при победата на Јувентус со 2-0 над Валенсија во Лигата на Шампионите. Роналдо го фати за косата Џејсон Мурило од Валенсија и по консултација со арбитерот на гол линијата, главниот судија Феликс Брих му покажа црвен картон на мегаѕвездата.
За стореното, Роналдо сигурно ќе претрпи еден натпревар казна, но санкцијата може да биде зголемена до три натпревари по проценка на УЕФА.
Интересниот момент во случајот е дека ако биде зголемена казната на Роналдо, тој ќе го пропушти гостувањето против својот поранешен тим, Манчестер Јунајтед на 23 октомври.
OhridNews
