Уругвајскиот голгетер Луис Суарез би можел во новата сезона да го носи дресот на бундеслигашот Борусија Дортмунд, објави денеска германски „Скај“.
Најголемото засилување ова лето во редовите на Борусија Дортмунд, Себастијан Алер, нема да биде на располагање на екипата бидејќи му е дијагностициран рак на тестисите и поради тоа „Милионерите‘ мораат да бараат алтернативна во напаѓачката позиција.
Суарез е слободен играч, откако му истече договорот со Атлетико Мадрид, а неговата желба е да остане во Европа за подготвено да го дочека Мундијалот во Катар, кој треба да му биде последен во кариерата.
Суарез има 132 натпревари во дресот на Уругвај и 68 постигнати голови во националниот дрес.
OhridNews
