Општата болница во Струга доби новоопремена хируршка сала со која се зголемуваат капацитетите на оваа здравствена устанува каде се лекуваат околу 50 000 граѓани. Новата сала која е опремена со универзален хируршки стол, хируршки светла и еден современ дигитален анестезиолошки апарат, во употреба ја стави министерот за здравтство Бујар Османи.Опремата ја обезбеди Министерството за здравство преку кредитна линија од Италија.
Министерот Османи денеска се сретна со раководството и вработените во болницата и Здравствениот дом – Струга, кои му ги предочија главните проблеми со кои се соочуваат во секојдневното работење. При тоа било побарано од Министерството да обезбеди нови возила за Службата за итна медицинска помош, како и средства за реновирање на објектите на централната медицинска установа во Струга. Здравствените работници добија ветување од министерот дека ќе се заложи за заокружување на процесот на доопремување на болницата во Струга со најнова апаратура и современа медицинска техника.
Ohridnews
