Ракометниот клуб Струга ќе биде дел од 41-то издание на меѓународниот турнир „Струга 2013“, кој ќе се одржи од 14 до 17 август. По објавата на Ohrid News челниците на турнирот и клубот најдоа заеднички јазик и се договорија Струга да настапи во натпреварувачкиот, а не во ревијалниот дел.
– Во интерес за градот и ракометот, Струга ќе биде дел од ракометниот спектакл. Имавме средба со организацискиот одбор и констатиравме дека најдобро за сите ќе биде ние да настапиме на турнирот. Ние сме суперлигашка екипа и се надевам дека ќе се покажаме во вистинско светло – рече за Ohrid News, Наумче Угреновиќ претседател на клубот од Струга.
Покрај Струга во Групата Б се наоѓаат уште Брест Мешков, Версај и актуелниот шампион Металург додека групата А ја предводи македонскиот ракометен првак Вардар заедно со Иври и романска Констанца.
Мх.П.
