Филџан кафе заедно со појадокот наутро не е најдобриот избор за обезбедување на сите потребни материи за телото, смета руската нутриционистка Наталија Нефедова.
Кафето содржи хелати кои агрегираат метали и ја попречуваат нивната соодветна апсорпција. Ако постојано ја заливате храната со кафе, ќе добиете помалку цинк, железо и магнезиум.Покрај тоа, кофеинот го отстранува и калциумот од телото – еден од најважните елементи, предупредува Нефедова.
Таа препорачува кафето да се пие половина час пред или по оброкот за да има време да се апсорбираат хранливите материи што се добиваат од храната. Според неа, филџан кафе е доволен за да се изгубат 12 милиграми калциум. За да се избегне ова, може да се додаде млеко во напитокот, советува нутриционистката.
Млекото е богато со калциум – соодветно е да се користи и растително млеко, но треба да се претпочита напитокот без шеќер и збогатен со витамини како калциум и железо… Додавањето млеко во кафето го прави вистинска ужина, вели Нефедова.
Таа вели дека 500 милилитри капучино содржи 206 килокалории – што е прилично хранлив појадок. Нутриционистот, исто така, препорачува да се избегнуваат слатки пијалаци. Тие го прават кафето премногу калорично, што води до зголемување на телесната тежина.
OhridNews
