Неколку часа после тешката сообраќајна несреќа што вчера доцна попладнето се  случи на бул. „Железничка“ во која едно лице на лице место го загуби  животот, во болница почина уште еден патник на скутерот кој се судри со камион. Охридската полиција соопшти дека  во несреќата животот, на лице место  го загуби Горан С. (26) а подоцна на повредите им подлегна и Миќел. Б. (38) од Охрид.

-Пациентот беше примен во арефлексна кома и со тешка повреда на кичма. Ивршена е реанимација, но за жал истиот од тешките повреди почина околу 22 часот, изјави за OhridNews, д-р Сашо Василески.

Во незгодата, со тешки телесни повреди се здоби Н.Р. (31) жител на Охрид кој се наоѓа во болницата „Св.Еразмо“.   


Сообраќајната незгода се случила во моментот кога моторцикл марка „Јибен“ на кој се превезувале сите три лица, управувано од сега починатиот Горан С. движејки се по улицата „Абас Емин„ во правец кон „Железничка„ и приклучување на улицата,  при што, дошло до директен судир со товарно возило марка „Мерцедес-Бенз„. Товарното возило, се движело по улицата „Железничка„ од правец на Автобуската станица кон Подмољје.

На местото на случената сообракајна незгода, полициски екипи, извршија увид во присуство на Истражен Судија и Јавен Обвинител при Основниот Суд во Охрид.

OhridNews