На Охридското Езеро во лето пловат околу 2500 пловни објекти. Најголемиот дел од нив се уредно регистрирани во Капетанијата. Но,има и такви кои не ги почитуваат законските прописи и немаат соодветни ознаки. На таквите деновиве не им беше дозволено да испловат од каналот Студенчишта.
Капетанот Љупчо Настоски и одговорните во капетанијата вршеа контрола кај мостот, а на чамците, глисерите и бродовите кои не ги исполнуваа законските прописи не им беше дозволено да испловат.
Некои без приговор ги прифаќаа забелешките на Капетанијата, а имаше и такви кои влегуваа во вербална расправија со капетанот Настоски кој им укажуваше на пропустите. Дел од нив не беа регистрирани, или не поседуваа соодветни ознаки, знаменца и слично, поради што не можат да пловат по Охридското Езеро.
Ohridnews
