Одбраната ќе биде на испит во Амстердам , но за комплетен впечаток ќе мора да се потрудат и напаѓачите кои на трите квалификациски натпревари досега постигнаа само два гола. Во отсуство на Наумоски поради повреда за очекување во 3-5-2 формацијата на Катанец, Ацо Стојков да му биде партнер на Мазнов во шпицот на нападот.
– Посакувам пред се сите нас да не послужи добро здравје и со гол против молдавците да потврдам дека сум во добра форма. Оптимист сум дека можеме да ги завршиме овие квалификации на второто место во групата. Потребно е само подобра реализација бидејќи во дуелите со Шкотска,Холандија и Исланд покажавме солидна игра која доколку продолжиме да ја негуваме , убеден сум ќе ни ги донесе посакуваните резултати.Еден од стандардните во средината на теренот Тасевски, кој се уште не го потврдил својот потенцијал во националниот дрес очекува добрата форма од Левски да ја пренесе во репрезентацијата.
– Загувивме три средби во серија, затоа време е да го поправиме резултатскиот впечаток бидејќи играме рамноправно со секој противник, создаваме шанси и резултатите мора да дојдат сами по себе, особено што добро се познаваме, играме веќе подолго време заедно во националниот тим.
Натпреварот Македонија – Молдавија се игра в среда од 15 ч. Директен телевизиски пренос од натпреварот нема да има.
М.П.
