Фронтменот на “Aerosmith”, Стивен Тајлер, изјавил дека пишува песна со актерот Џони Деп. Тајлер во една ТВ емисија раскажал како од Бостон се преселил во Лос Анџелес за да се посвети на улогата на член на жири комисијата на “Американски идол“ и токму преселбата имала влијание врз соработката со Деп.
-Пишувам песна заедно со Џони Деп. Тоа никогаш не би можел доколку останев дома. Тој се занимава со музика и јас го повикав и му реков “доаѓам, ќе пишуваме заедничка песна“. Тој ми одговори “да, дојди, и ќе ми кажеш дали ја свирам добро ‘Seasons of Wither’, додава Тајлер.
Песната ‘Seasons of Wither’ е од вториот албум на “Aerosmith”, “Get Your Wings” од 1974година. Тајлер во мај ќе го издаде првиот соло сингл во САД, а во тек се подготовките за нов албум на “Aerosmith”.
