Честитките, наградите и признанија доаѓаат од сите страни за Марко Пејчиноски кој во вторникот успешно го преплива Охридското езеро. Најнова награда 12-ет годишниот охриѓанец доби од Агенцијата за млади и спорт која ќе одвои еднократна парична помош и стипендија „Спортка надеж“.

  • По повод херојскиот подвиг на младиот Марко Пејчиновски кој успеа да го преплива Охридското езеро, денес поднесов иницијатива која беше усвоена при советот на Агенцијата за млади и спорт (АМС), за еднократна парична награда од 100 илјади денари за македонската пливачка надеж, а воедно, АМС ќе му додели и стипендија за млади таленти „Спортска адеж“. Исто така, се обврзавме да обезбедиме стручни лица кои ќе подготват годишна програма за усовршување на Пејчиноски со цел да продолжи да се усовршува и да стане врвен пливач кој гордо ќе ја претставува Македонија.

    Со ова АМС испраќа јасна порака до сите млади и надежни спортисти дека државата секогаш ќе биде тука и ќе застане позади нив, зошто секој успех претставува и успех за Македонија.

    На крај, упатувам уште еднаш честитки за младиот Пејчиноски и му посакувам блескава кариера. – стои во соопштение потпишано од првиот човек Дарко Каевски.

Малиот херој имаше прием кај претседателот на државата Ѓорѓе Иванов, а А.Д. Галеб му подари лаптоп компјутер.

OhridNews