Просечната бруто-плата во март изнесувала 29.938 денари. За разлика од минатата година во месец март, оваа година исплатената бруто-плата забележува пораст од 1,1 процент, покажуваат податоците од Државниот завод за статистика.
Зголемувањето се должи на повисокиот износ на просечната месечна исплатена бруто-плата по вработен во секторите образование за 8,2 проценти, рударство и вадење на камен за 7,3 и во преработувачка индустрија за 6,8 проценти.
Најголем пораст во март во однос на февруари годинава е забележан во секторите образование за 6,6 проценти, преработувачката индустрија 5,5 проценти и хотели и ресторани за 4,7 проценти.
Просечната месечна исплатена бруто-плата по вработен во март годинава изнесува 29.938 денари, а износот на нето-платата е 20.338 денари, која во однос на март лани е повисока за три проценти. Во март 3,6 проценти од вработените во Македонија не примиле плата.
Ohridnews
