Една британска телевизија ќе пушти во употреба телевизиски канал на кој 24/7 ќе се прикажуваат филмови од серијалот Џејмс Бонд.
Каналот ќе се емитува во етерот почнувајќи од октомври, а со него ќе се обележи 50 годишнината од првиот филм за тајниот агент.
Овој канал ќе го носи името Sky Movies 007 и на него ќе се прикажуваат сите 22 филмови во овој серијал почнувајќи со првиот кој го носи насловот “Dr. No”, а е снимен во 1962 година.
Новиот канал ќе им овозможи на љубителите на Џејмс Бонд да уживаат во сите негови авантури од изминатите 50 години.
