Премиерите на Македонија и на Грција, Никола Груевски и Јоргос Папандреу се сретнаа по деветти пат за една година. На средбата што се одржа на маргините на Европскиот самит во Брисел се дискутрирало за билатералните односи помеѓу двете земји кои ги обременува наметнатиот спор за името. Според министерот за надворешни работи, Антонио Милошоски, средбата била конструктивна и во функција на зголемување на довербата и приближување на ставовите за отвореното билатерално прашање.
Претходно премиерот Груевски оствари средба со високиот преставник на ЕУ за надворешна и безбедносна политика Кетрин Ештон, на која се разговарало за актуелните политички случувања во Македонија.
Груевски се сретна и со еврокомесарот за проширување, Штефан Филе која според извештаите од Брисел порачал дека земјата треба да продолжи со својата реформска агенда и оти е неопходно да се направи прогрес во политичкиот дијалог, реформата на судството и јавната администрација, борбата против корупцијата и слободата на изразување.
OhridNews
