Како што информираат од Кабинетот на претседателот, на средбата се разговарало за поставеноста на монетарната политика на Република Македонија, во контекст на последните случувања од грчката должничка криза и за можните рефлексии врз нашата држава.
Гувернерот Богов го информирал претседателот за преземените мерки и активности на Народната банка на Република Македонија, како и за можните сценарија при разрешувањето на кризата во еврозоната. Тој потенцирал дека македонскиот банкарски систем е стабилен и дека може без поголеми последици да ги издржи ударите од кризата.
Претседателот Иванов и гувернерот Богов констатирале дека Народната банка на Република Македонија претставува стабилна институција која досега покажа капацитет во постигнување на финансиска стабилност и одржување на сигурен и стабилен банкарски систем.
OhridNews
